İş müsahibəsində uğurlu olmağın əsas qaydaları

İş tapmağın asan olmadığı indiki dövrdə bir çox namizəd elə müsahibə mərhələsində işə qəbul olma şansını itirir. Bəs, müsahibəni lehinə çevirə bilmək üçün nə edə bilərsən?

Qəbul edək ki, müsahibədə yaxşı performans göstərmək asan bir iş deyil, çünki özünü ifadə etmək bəzən ən çətin şeylərdən biri olur.

Müsahibə - işəgötürənin namizədi tələb olunan vəzifəyə görə qiymətləndirməsi və namizədin işəgötürəni və işi / vəzifəsini tanıması üçün aparılan bir görüşdür. Müsahibə tək tərəfli deyil, ikitərəfli bir reportajdır. Yəni, müsahibədə yalnız işəgötürənin sual verəcəyini və sənin bu sualları cavablandıracağını və sonra müsahibənin bitəcəyini düşünürsənsə, uğurlu və təsirli bir müsahibənin baş tutması mümkün deyil.

Müsahibəyə bir də iş axtaran tərəfindən tərif versək, bu "işverənə özünün bu vəzifəyə uyğunluğunu izah etmə prosesi" kimi ifadə edə bilərik. Burada 2 əsas məqama diqqət edək:

1. Birincisi, sizə doğru sual verilməsə də, özünüzü düzgün izah etməyə məcbursunuz. İşverənin həmin gün hər hansı bir problemi olar və diqqətini cəmləşdirməkdə çətinlik çəkə bilər. Unutmayaq ki, qarşımızdakı da bir insandır. Çox istədiyiniz bir iş üçün müraciət etmisinizsə, sonradan peşman olmaq əvəzinə müsahibənin məsuliyyətini öz üzərinizə götürüb daha çox səy göstərməlisiniz. Əmin olun ki, bu kimi davranışlar çox vaxt müsbət nəticə verir. Buna görə də müsahibəyə əvvəlcədən yaxşı hazırlaşmalısınız.

2. İkinci əsas məqam isə müsahibənin yalnız bir görüşlə ilə məhdudlaşmamağıdır. İşverənin sizi dəyərləndirmə prosesi sizin ilk müraciətinizi gördüyü andan başlayır və CV-nin və istək məktubunun qiymətləndirilməsi ilə davam edir. Bu proses yalnız müqaviləni imzaladığınız gün tamamlanar. Buna görə prosesin hər mərhələsində diqqətli olmaq faydalıdır. Müraciət mərhələsindən müsahibə gününə və müqavilə imzalanana qədər hər davranışınıza diqqət etməli və o işi almağa fokuslanmalısınız.

Qeyd etdiyimiz kimi, müsahibəyə hazırlaşarkən 2 əsas məqamı nəzərdə saxlamalısınız. Əvvəla, yuxarıda izah etdiyimiz kimi, özünüzü necə təsirli şəkildə ifadə edə biləcəyinizi çox yaxşı öyrənməlisiniz. İkincisi, görüşəcəyiniz şirkətin müsahibə prosesləri barədə məlumat toplamalısınız.

 

"İş görüşməsində uğurlu olmaq üçün 30 tövsiyə" başlıqlı məqaləmizdəki müsahibələrdə müvəffəqiyyətli olmağınız üçün lazım olan digər tövsiyələri tapa bilərsiniz.